Napigilan ng London police ang tangkang asasinasyon laban kay British Prime Minister Theresa May.
Ayon sa Metropolitan police, nahuli ng Counter Terrorism Command ang mga suspek sa plano nilang pagpapasabog ng explosive device sa Downing Street para samantalahin ang pagkakagulo at saka aatakihin ang Punong Ministro.
Kinilala ang mga naarestong suspek na si Naa’imur Zakariyah Rahman, 20 anyos at Mohammed Aqib Imran, 21 anyos.
Una rito, may natatanggap nang pagbabanta ang Prime Minister ng Britanya at sinasabing isasakatuparan ito sa loob ng labing dalawang (12) buwan.
