Hindi naman ikinatuwa ng grupo ng mga manggagawa ang mahabang holiday dulot ng isasagawang Association of Southeast Asian Nations o ASEAN Summit sa bansa sa susunod na linggo.
Ayon kay Federation of Free Workers Vice President Juiliu Cainglet, malaki ang magiging epekto ng naturang holiday para sa mga nagtatrabahong arawan ang sahod dahil wala silang kkikitain sa loob ng limang araw.
Giit pa ni Cainglet, wala rin aniyang makukuhang pa-extra extrang-trabaho ang mga ito dahil halos lahat ng mga residente sa Metro Manila ay nakabakasyon.
Sinabi pa ni Cainglet na dapat ay kinuha na lamang ng pamahalaan ang serbisyo ng mga daily paid workers para sa mga aktibidad na may kinalaman sa ASEAN para naman aniya kumita ang mga ito.
Wala rin aniyang saysay ang mga matatanggap na papuri ng Pilipinas dahil sa pag-host ng ASEAN Summit kung mawawalan naman ng kita ang mga karaniwang manggagawa.
—-
