Binatikos ni Akbayan Partylist Representative Tom Villarin ang ginawang panawagan ni Presidential Spokesperson Harry Roque kay Supreme Court Chief Justice Maria Lourdes Sereno na magbitiw na ito sa puwesto.
Ayon kay Villarin, ang naging pahayag ni Roque ay nagpapakita ng pagmamanipula ng Malacañang sa impeachment case laban kay Sereno.
Giit ni villarin, tila minamadali ng Malacañang ang paghahatol kay Sereno sa pamamagitan ng pag-pressure dito na magbitiw na sa tungkulin.
Dagdag pa ni Villarin, tila kinokondisyon din ng Malacañang ang publiko para isiping guilty si Sereno gayung hindi pa nasisimulan ng House Committee on Justice ang pagtalakay sa impeachment complaint laban dito.
Tila may plano rin aniya ang Malacañang na gawing sunod-sunuran ang hudikatura.
—-
