Lumiban sa kanyang regular briefing tuwing Biyernes si Presidential Spokesman Ernesto Abella.
Sa gitna na din ito ng mga lumulutang na report hinggil sa pagpalit kay Abella ni Kabayan Partylist Representative Harry Roque.
Ipinabatid naman ni China Jocson, assistant ni Abella, ito pa din ang tagapagsalita ng Pangulong Rodrigo Duterte at wala namang kakaiba sa pagliban nito sa regular briefing ngayong araw na ito.
Sinabi ni Jocson na gusto namang sumalang sa briefing ni Abella subalit may kailangan itong ayusin.
Posible ding sumama o kaya naman ay maiwan si Abella sa working visit ng Pangulo sa Japan sa Oktubre 29 hanggang 31.
