Pinasaringan ni Vice President Leni Robredo si Philippine National Police o PNP Chief Director General Ronald ‘Bato’ Dela Rosa sa kanilang pagkikita sa isang forum sa Quezon City.
Ito’y makaraang payuhan ni Dela Rosa ang Pangalawang Pangulo na isantabi muna ang ambisyong pulitikal at tulungan muna si Pangulong Rodrigo Duterte.
Ayon kay Robredo, masasabi niyang nag-aambisyon nga siya kung may makikita nang standee at mascot niya na tulad ng sa PNP Chief.
Sa ngayon, sinabi ng Bise Presidente na nais niya munang ilaan ang kaniyang oras sa pagtatrabaho kaysa sa atupagin ang susunod na halalan.
