Kumpyansa si National Capital Region Police Office (NCRPO) Chief Director Oscar Albayalde na mababago na ang imahe ng Caloocan City PNP o Philippine National Police.
Ito ay matapos pormal nang mailipat ang mahigit 1,000 tauhan ng RPSB o Regional Public Safety Batallion ng NCRPO sa Caloocan kapalit ng mga sinibak na pulis mula dito.
Matatandaang sunud-sunod na inireklamo ang dating mga Pulis-Caloocan kaugnay sa kanilang anti – drug operation na ikinasawi ng ilang menor de edad na sinasabing sangkot sa iligal na droga.
Sa relieve in place ceremony ng Northern Police District noong Biyernes, nag-iwan ng bilin si Albayalde sa mga pulis na humalili sa Caloocan na maging disiplinado at huwag umabuso sa kapangyarihan .
