Iihahatid na bukas sa kanyang huling hantungan ang hazing victim na si Horacio Castillo III sa Manila Memorial Park sa Parañaque City.
Bago ang libing ay magdaraos muna ng misa sa Santuario de San Antonio Parish sa Forbes Park sa Makati dakong alas-2:00 ng hapon.
Inimbitahan naman ni Dr. Jerry Castillo, tito ni Atio, ang mga kaklase at kaibigan ng pamangkin na samahan sila sa pagdadalamhati sa pagkawala ni Atio.
Naniniwala din aniya siya na makakamtan nila ang hustisya at mapapanagot ang mga nagkasala sa pagkamatay ni Atio.
Nauna rito, humarap na kahapon sa imbestigasyon ng Senado si John Paul Solano na itinuturong suspek sa pagkamatay ni Castillo at sinampahan na rin ito ng patung-patong na kaso sa Department of Justice o DOJ.
