Ilalabas na sa susunod na buwan ang Implementing Rules and Regulations (IRR) para sa Free College Education Law sa State Universities and Colleges (SUC’s).
Ito ang inihayag ni Commission on Higher Education (CHED) Chairperson Patricia Licuanan, sa senate finance subcommittee budget hearing kung saan ipinapanukala ang 12.4-billion-peso budget para sa CHED sa susunod na taon.
Ayon kay Licuanan, inaasahan na nilang magkakaroon ng formal approval ng IRR ng Unified Student Financial Assistance System for Tertiary Education (UniFAST) Board para sa ilalabas na IRR ng naturang batas.
Posible aniyang umabot sa limampung (50) bilyong piso ang kailanganin para sa libreng matrikula subalit kailangan pang maghanap ng pondo.
