Niyanig ng malakas na pagsabog ang lugar malapit sa municipal police station ng Sultan Kudarat sa Barangay Dalumangcob kahapon ng gabi.
Ayon kay Maguindanao Police Provincial Director Senior Superintendent Agustin Tello, walang nasugatan sa naturang pagsabog ngunit nagdulot ito ng takot sa mga residente malapit sa lugar.
Aniya, nawasak din ang sementong pader ng isang bahay dahil sa lakas nang pagsabog.
Patuloy ang isinasagawang imbestigasyon ng Explosive and Ordinance Team ng Philippine National Police (PNP) at Philippine Army sa nasabing pangyayari.
