Pinatunayan lamang ng pagharap ni Presidential Son at Davao City Vice Mayor Paolo Duterte at bayaw nitong si Atty. Manases Carpio sa pagdinig ng senado na handa itong harapin ang mga alegasyong nag-uugnay sa kanila sa smuggling sa BOC o Bureau of Customs.
Sinabi ni Presidential Spokesman Ernesto Abella, napatunayan ding hindi nakiki-alam ang Pangulong Rodrigo Duterte sa imbestigasyon ng senado kahit pa anak at bayaw na nito ang isinasangkot.
Matatandaang nagpahayag na noon ang Pangulong Duterte na magbibitiw ito sa pwesto oras na mapatunayang dawit sa anumang uri ng korupsyon ang kanyang mga anak.
