Butas sa puso at baga ang dahilan nang pagkamatay ng 14 anyos na si Reynaldo de Guzman alias ‘Kulot’.
Ito ang lumalabas sa findings ng otopsiya na isinagawa ng CHR o Commission on Human Rights sa labi ng binatilyo.
Samantala, sa susunod na dalawa o tatlong linggo pa posibleng mailabas ng NBI o National Bureau of Investigation ang resulta ng autopsy nito kay Kulot.
Kapwa naman hindi pa mabatid ng CHR at NBI kung ilan talaga ang saksak na tinamo ni Kulot bagamat marami itong tinamong saksak sa itaas na bahagi ng kaniyang dibdib.
Tila mahirap nang matukoy ang bilang ng saksak dahil na-embalsamo na ang binatilyo at natahi na ang mga sugat nito.
