May bago nang hepe ang Police Regional Office 3.
Ayon kay PNP Chief Director General Ronald Dela Rosa, si Chief Supt. Amador Corpuz ang kanyang napili dahil handa itong mamatay at marunong pumatay kung kinakailangan.
Sa harap ito ng napipintong pagretiro sa serbisyo ni PRO 3 Director CSUPT Aaron Aquino at paglipat nito sa PDEA bilang bagong direktor ng ahensya.
Sinabi ni Dela Rosa na si Corpuz ang magtutuloy sa sinimulang imbestigasyon ni Aquino laban sa walong umano’y narco-politicians sa Central Luzon na kasama sa listahan ng Pangulong Rodrigo Duterte.
Si Corpuz na naging dating Provincial Director ng Tarlac, ay kaklase ni Dela Rosa sa PMA class of 1986.
By: Mheann Tanbio
SMW: RPE
