Ibinabala ng mga dalubhasa na nakasasama sa kalusugan ng mga bata ang sobrang paglalaro gamit ang mga digital gadget tulad ng smartphone, tablet at ipad.
Batay sa report ng mga eksperto sa Southeast England, isang apat na taong gulang ang naitalang pinakabatang digital addict sa Britanya bunga ng pagkakalulong sa digital games.
Nabatid na sumasailalim ngayon ang bata sa digital detox sa klinika ng isang Dr. Richard Graham sa london makaraang makitaan ng withdrawal symptoms na katulad ng mga dinaranas ng isang adik sa alkohol at iligal na droga.
Aabot sa halos P1-M ang magagastos para sa digital detox program.
Dahil dito, iginiit naman ng DSWD o Department of Social Welfare and Development na dapat limitado lamang ang oras ng pagpapagamit ng digital gadget sa mga bata.
