Pinalawig pa ng PAGASA o Philippine Atmospheric Geophysical and Astronomical Services Administration ang pinaiiral na flood alert sa ilang bahagi ng Central Luzon dahil sa Habagat at Thunderstorm.
Partikular na binabaha ang mga mabababang lugar sa Zambales at Bataan.
Maliban dito, asahan na ang pagbuhos ng ulan sa Metro Manila, Laguna, Quezon, Cavite at Batangas at tatagal pa hanggang sa mga susunod na araw ang masamang lagay ng panahon.
Muli namang nilinaw ng PAGASA na walang bagyo at low pressure area sa loob ng PAR o Philippine Area of Responsibility.
