Pangulong Duterte tiniyak na hindi interesadong bumisita sa US White House

Tiyak  na hindi intresado si  Pangulong Rodrigo Duterte na magtungo at bumisita sa White House sa Amerika.

Ito ang inihayag ni Senate Majority Floor leader Tito Sotto  makaraang baliwalain ang pahayag ni U.S. Congressman Jim Mc Govern na pangungunahan niya ang pagpo-protesta kapag inimbitahan si Duterte  sa White House.

Iginiit  ni  Sotto na hindi naman si Mcgovern ang Pangulo ng Estados Unidos.

Sinabihan naman  ni Sen President Koko Pimentel ang U.S. Government na huwag nilang imbitahan ang Pangulo na bumisita sa White House kung ayaw nilang papuntahin doon si Pangulong Duterte lalo’t  prerogative naman nila ito.

Si  Mcgovern ang co-chairman ng U.S. Congress Human Rights Commission kung saan binatikos  ang giyera kontra iligal na  droga ng Duterte Administration dahil  hindi umano pinahahalagahan ang karapatang pantao.

By: Drew Nacino

Comments

comments