Mas makabubuti kung ang senate committee on justice na pinamumunuan ni Senador Richard Gordon ang muling magsagawa ng pagdinig hinggil sa pagpatay kay dating Albuera Leyte Mayor Rolando Espinosa.
Ito ang inihayag ni Senate Committee on Public Order Chairman Panfilo Lacson, sa gitna ng mungkahing muling buksan ang imbestigasyon sa Espinosa killing.
Ayon kay Lacson, hindi uubrang ang kanyang pinamumunuang komite ang muling mag-imbestiga sa isyu dahil nakapagsumite na siya ng report ukol dito at naidepensa niya na rin ang nilalaman nito.
Dagdag ng senador, hintayin na lamang ang mga ihahaing resolusyong nagsusulong sa panibagong imbestigasyon para malaman kung saang komite ito mapupunta.
By Krista De Dios | With Report from Cely Bueno
