Dasal para sa Marawi crisis evacuees isinagawa

Ipinagdasal ng mga non-government organizations o NGOs sa Iligan City ang mahigit tatlong daang (300) evacuee mula sa Marawi City.

Nagtipun-tipon sa isang mosque ang mga miyembro ng NGO’s para sa tinagurian nitong Tarawee for Marawi na isang aktibidad na nagpapakita ng pagkakaisa para sa mga residente ng Marawi City.

Ang Tarawee ay isang special prayer na binubuo ng labing isang (11) verse na ginagawa bago mag-hatinggabi.

Ayon sa Al Mujadilah Development Foundation, pagkain at malinis na tubig ang pangunahing kailangan ng mga evacuee dahil marami sa mga ito ay may diarrhea.

Ang nasabing hakbang ng NGOs ay isinabay na rin sa paggunita ng World Refugee Day kahapon.

By  Judith Larino   

Comments

comments