Aapela sa Korte Suprema ang kampo ni Mary Jane Veloso na payagan ang pagkuha ng kanyang deposition sa kanyang bilangguan sa Indonesia.
Ayon kay Atty. Edre Olalia, pangulo ng NUPL o National Union of Peoples Lawyers, ku-kuwestyonin nila ang desisyon ng Court of Appeals (CA) na ibasura ang kahilingan nila para makuha ang testimonya ni Veloso laban sa kanyang mga recruiters.
Noong April 27 sana nakatakda ang pagkuha ng deposition ni Veloso sa Yogyakarta Prison sa Indonesia subalit pinigil ito ng Court of Appeals.
Marso pa naglabas ng temporary restraining order ang CA laban sa pagkuha ng deposition ni Veloso subalit pinalawig pa nila ito hanggang Mayo 22.
Ang pagtutol ng CA sa pagkuha ng deposition ni Mary Jane ay nag ugat sa petisyon ng Public Attorney’s Office o PAO, tumatayong abogado nina Maria Cristina Sergio at kanyang live in partner na si Julius Lacanilao, mga akusado ng iligal na pagre-recruit kay Veloso.
By Len Aguirre