Ikinagalak ng Malacañang ang pagtaas ng satisfaction rating ng Pangulong Noynoy Aquino sa pinakahuling survey ng Social Weather Stations o SWS.
Tumaas ng 55 percent ang satisfaction rating ng Pangulo sa second quarter mula sa 48 percent noong first quarter na inilabas noong buwan ng Marso.
Ayon kay Presidential Spokesman Edwin Lacierda, ang positibong resulta ng survey ay pagpapakita lamang na nasa tamang landas ang tuwid na daan lalo na ngayong nasa huling yugto na ang administrasyon Aquino.
Ipinagmalaki rin ni Lacierda ang magandang report na tinanggap ng bansa mula sa Time Magazine Infographic batay sa Gallup Survey ng Amerika na nagsasabing ang Pilipinas ay kasama sa nangungunang lugar sa mundo kung saan mataas ang tiyansang makakuha ng trabaho.
By Rianne Briones | Aileen Taliping (Patrol 23)
