Dapat sundin ng Department of Budget and Management o DBM ang desisyon ng Korte na i-release ang mga benepisyo ng retired employees ng PAO o Public Attorney’s Office na nagkakahalaga ng halos P140-M.
Binigyang diin ito ni Justice Secretary Vitaliano Aguirre matapos umapela ang DBM sa desisyon ng Korte na pumapabor sa petisyon ng PAO retirees.
Lumalabas sa desisyon ng Korte na iligal ang desisyon ng DBM Legal Services na hindi entitled ang PAO lawyers sa kaparehong retirement package para sa mga prosecutor sa ilalim ng National Prosecution Service.
Ang nasabing desisyon ng Korte ay pinaboran ni Aguirre.
By Judith Larino
