Isang bagong LPA o Low Pressure Area ang namonitor ng PAGASA o Philippine Atmospheric Geophysical and Astronomical Services Administration na nasa mahigit dalawandaang (200) kilometro kanluran hilagang kanluran ng Sinait sa Ilocos Norte.
Bukod dito, na-monitor din ng PAGASA ang isang ridge of High Pressure Area (HPA) na lumawig pa sa Luzon at Visayas.
Apektado naman ng easterlies ang eastern section ng Mindanao at makakaranas naman ng pag-ulan ngayong maghapon ang Cagayan Valley at Cordillera Region.
Shorter summer?
Samantala, posibleng mapaaga ang pagtatapos ng panahon ng tag-init sa Pilipinas.
Ayon sa PAGASA, ito ay kung magtutuloy-tuloy na mahaharang ng ilang weather system ang pagpasok ng easterlies sa bansa.
Ang dry season sa bansa ay maaari anilang maapektuhan at magbago ng mga darating na sama ng panahon.
Nitong mga nakaraang araw, bagamat panahon ng tag-init ay napapadalas ang mga pag-ulan lalo na sa dakong hapon at gabi.
By Judith Larino | Ralph Obina