Ayaw patulan ni Presidential Spokesman Ernesto Abella ang mga banat ni Agriculture Secretary Manny Piñol sa Presidential Communications Group.
Ito’y makaraang tawagin ni Piñol na mahina at napag-iiwanan ang communications group ng palasyo matapos batikusin ang pangunguna ni Pangulong Rodrigo Duterte sa online poll ng Time Magazine.
Ayon kay Abella, objective o walang halong personal ang naging pahayag ng kalihim at hindi niya iyon itinuturing na pakiki-alam sa trabaho ng nasabing tanggapan.
Naniniwala si Abella na may dapat ngang ayusin sa hanay ng Communications Group ng palasyo ngunit anumang puna ay dapat idaan behind the scene at hindi sa harap ng publiko.
By: Jaymark Dagala / Aileen Taliping
