Tumangging magkomento at magbigay ng detalye si Vice-President Leni Robredo sa imbitasyon ni Pangulong Rodrigo Duterte na mag-dinner sa Malakanyang kasama ang kanyang mga anak.
Mailap ang Bise-Presidente na sumagot sa mga tanong ng Media kaugnay sa isyu ng imbitasyon ng Pangulo.
Kinumpirma ng Palasyo ang imbitasyon ng Pangulo kay Robredo para sa isang dinner ng kapwa sila dumalo sa graduation ceremony ng Philippine National Police Academy sa Silang, Cavite noong Biyernes.
Gayonman, sinabi ni Presidential Spokesman Ernesto Abella na hinahanapan pa ng tamang schedule ang dinner invitation sa Pangalawang Pangulo.
By: Aileen Taliping
