Suspendido ang radio program ni MTRCB Board Member Mocha Uson matapos nitong banatan si Vice President Leni Robredo.
Ayon sa ulat, nagpasya ang istasyong kinabibilangan ni Mocha na pansamantalang ipatigil ang programa nito dahil sa reklamong kanilang natanggap.
Ito ay makaraang murahin, tawaging tanga at bobo at pekeng Bise Presidente ni Mocha si Robredo.
Maliban dito, sinabihan pa umano ni Mocha ang Pangalawang Pangulo na bumili ng utak na hindi nagustuhan ng ilang mga nakapakinig sa programa nito noong Marso 18.
Samantala, hindi pa batid sa ngayon kung hanggang kailan tatagal ang suspensyon ng programa ni Mocha.
By Ralph Obina
Photo Credit: Mocha Uson Blog Facebook
