Inaalam pa ni Interior and Local Government Sec. Mike Sueno sa kanyang mga staff kung mayroon silang natanggap na sulat mula kay Vice President Leni Robredo.
Ito ay matapos sabihin ng kampo ng Bise Presidente na nagpadala sila ng sulat para humingi ng impormasyon hinggil sa imbestigasyon sa mga napapatay sa gitna ng kampanya kontra ilegal na droga.
Ayon kay Sueno, wala siyang natanggap na sulat subalit kanyang tatanungin ang kanyang mga staff, lalo na at mayroong mga pagkakataon sa nakalipas na hindi naipapaalam sa kanyang ang mga mahahalagang sulat na mula sa mataas na opisyal ng gobyerno.
Binigyang diin ni Sueno na bukas din siyang makipag usap sa Bise Presidente hinggil sa mga nais nitong makuhang impormasyon hinggil sa kampanya kontra ilegal na droga ng pamahalaan.
By Katrina Valle |With Report from Jonathan Andal
