Pinag-almusal ng sermon ni kay Philippine National Police o PNP Chief Director General Ronald “Bato” Dela Rosa ang mga matatamlay at papatay-patay na mga pulis sa kampo Crame kaninang umaga.
Partikular na sinita ng PNP Chief ang hindi tamang pagtayo, hindi maayos na formation at wala sa linyang pagmamartsa ng mga pulis.
Sa kaniyang talumpati sa Flag Raising Ceremony kanina, sinabi ni Dela Rosa na indikasyon ng kawalang disiplina ng mga pulis ang ipinapakita ng mga ito.
Kasunod nito, ibinabala ng PNP Chief na kanyang ipatatapon sa basilan ang mga tatamad-tamad na kawani ng pambansang pulisya unipormado man o hindi.
By Jaymark Dagala |With Report from Jonathan Andal
