Nagpaabot ng pagbati ang Department of Tourism o DOT sa bagong Miss Universe na si Miss France Iris Mittenaere.
Ayon kay Tourism Secretary Wanda Teo, tagumpay rin, aniya, ng Pilipinas bilang host country ang tagumpay ni Miss France at ipinagmamalaki, aniya, ng buong bansa na naging bahagi ito sa paghirang ng bagong Miss Universe.
Samantala, naniniwala si Teo na mapalalago ng naganap na Miss Universe ang turismo sa bansa.
Makaaakit, aniya, ito ng mga turista lalo na sa mga lugar na binisita ng mga kandidata kung saan tampok ang mga sikat na pagkain at ang pagiging magiliw ng mga Pilipino sa pagtanggap ng mga bisita.
By: Avee Devierte / Allan Francisco
