Pinaplanong isama sa kasong pagdukot at pagpatay sa Koreanong negosyanteng si Jee Ick Joo ang maybahay ng pangunahing suspect na si SPO3 Ricky Santa Isabel.
Sinabi ni PNP Anti-Kidnapping Group acting chief Senior Superintendent Glen Dumlao, humiling noong January 14 na makipagkita si Jinky Santa Isabel upang aregluhin ang kaso ng kanyang asawa.
Gayunpaman, nanindigan umano si Dumlao na ilalabas nila kung ano ang tunay na nangyari.
Batay pa sa kwento ni Dumlao, tila alam ni ginang Dumlao ang mga ginawa ng kanyang mister ngunit mukhang walang epekto sa kanya.
By: Avee Devierte
