Sinampahan ni Kabayan Partylist Representative Ron Salo ng disbarment case ang kasamahan nitong si Congressman Harry Roque.
Sa inihaing niyang reklamo sa Korte Suprema, sinabi ni Salo na niyurakan ni Roque ang kanyang pagkatao makaraang ihayag niyang tumanggap siya ng suhol mula kay dating Congressman Romeo Jalosjos.
Pinagbintangan din umano ni Roque si Salo na utak sa pagpuslit ng mga kontrabando sa loob ng New Bilibid Prison noong Chairman pa siya ng Bureau of Corrections Love Foundation.
Batay rin sa nasabing disbarment case, naharap umano si Salo sa kasong pandarambong at naisyuhan ng warrant of arrest.
Samantala, mariin namang itinangggi ni Salo ang mga naturang paratang ni Roque na, aniya’y may bahid ng malisya.
By: Avee Devierte / Bert Mozo
