Lumilinaw na umano ang motibo kung bakit pinaslang si Albuera Mayor Rolando Espinosa sa ginawang pagsalakay ng mga tauhan ng PNP-Cidg Region 8 noong Nobyembre 5.
Ito, ayon kay Senate Committee on Public Order and Dangerous Drugs Chairman Panfilo Lacson ay dahil nakasaad sa natanggap niyang affidavit ni Kerwin Espinosa na kasama sa binibigyan nila ng payola sina Supt. Marvin Marcos, hepe ng PNP Cidg Region 8; Supt. Santi Noel Matira; at Chief Inspector Leo Laraga.
Sinabi ni Lacson na base sa isiniwalat na ito ni Kerwin, maaari ng magkaroon ng konklusyon kung ano ang motibo sa pagpatay kay Mayor Espinosa.
Matatandaan aniyang sa nakalipas na pagdinig, iginiit ni Supt. Marcos na hindi niya kilala si Kerwin, pero sa affidavit ni Kerwin ay klaro na mayroon silang direktang ugnayan.
By: Meann Tanbio / Cely Bueno
