Posibleng ipagbawal na rin sa mga pangunahing kalsada sa Metro Manila ang mga student driver maging ang mga funeral convoy.
Ayon kay MMDA chairman Thomas Orbos, pinag-aaralan na nila ang mga ordinansa at traffic regulation para sa pagpapatigil ng mga driving school at funeral convoy sa pagdaan sa mga nasabing lansangan.
Kabilang anya ang mga ito sa nagiging dahilan ng lumalalang traffic condition sa Metro Manila.
Ipinaliwanag ni Orbos na dapat isyuhan ng mga ticket dahil sa traffic obstruction ang mga student driver at instructor.
Irerekomenda rin ng MMDA ang mas mabigat na hakbang at ordinansa upang tumalima ang mga driving school at funeral parlor.
By Drew Nacino
