Napaaga ang dating ng Pangulong Rodrigo Duterte sa Cagayan.
Alas-12:15 ng tanghali kanina nang lumapag ang sinakyang eroplano ni Duterte sa Tuguegarao City Airport kung saan dumiretso ang convoy nito sa Valley Hotel sa Alimannao Hills sa lungsod.
Pinulong ni Duterte ang local officials at mga opisyal ng mga ahensya ng gobyerno sa Valley Hotel na nagsisilbing operation Center ng Regional Disaster Risk Reduction and Management Council (RDRRMC).
Ininspeksyon ng Pangulo ang iniwang pinsala ng Bagyong Lawin sa Cagayan at binisita ang mga nasa evacuation center kung saan siya namigay ng tulong.
By Judith Larino
