Kinumpirma ng aktres na si Rufa Mae Quinto na buntis siya ng unang anak nila ng kanyang non-showbiz fiance na si Trev Magallanes.
Sa programang “Rated K,” isiniwalat ng 38 taong gulang na si Quinto na 17-weeks pregnant siya.
Ayon sa komedyana, napaiyak siya nang sabihin ng kanyang mga doktor ang magandang balita lalo pa’t natatakot siya na baka hindi na siya maaaring magdalantao dahil sa kanyang edad.
Inamin din ni Rufa Mae na pinayuhan siya ng kanyang mga doktor na hindi siya maaaring gumalaw-galaw o magbuhat ng mabibigat upang maiwasan ang komplikasyon.
Sina Quinto at Magallanes ay nakatakdang magpakasal sa darating na buwan ng Nobyembre.
By Jelbert Perdez
