Tuloy pa rin ang mga kasong nakasampa laban kay Moro National Liberation Front o MNLF Founding Chair Nur Misuari.
Inihayag ito ng Malacañang sa harap na rin ng kautusan ni Pangulong Rodrigo Duterte sa mga pulis na huwag arestuhin si Misuari kapag lumutang na ito.
Ayon kay Presidential Spokesman Ernesto Abella, walang nais labaging batas o kautusan ng korte ang naging pahayag ng Pangulo.
Binigyang diin ni Abella na pananagutan ng estado kung anuman ang mangyari kay Misuari sa sandaling maisailalim na ito sa pangangalaga ng pamahalaan.
By Jaymark Dagala
