Trending ngayon sa social media ang paglipat ng Kapamilya star na si Xian Lim sa Viva Artists Agency (VAA) at Viva Films mula sa Star Magic.
Marami ang nagulat sa pagpirma ng kontrata ni Xian nitong Martes, Enero 23, dahil kilala ito bilang isa sa mga matatagal nang hawak ng Star Magic.
Gayunman, tiniyak ni Xian na mananatili siya sa Kapamilya network kahit VAA na ang magma-manage ng kanyang career.
Sinabi pa ng aktor na mahal na mahal niya ang Kapamilya network at ito na ang nagsilbi niyang tahanan.
Samantala, nilinaw ni Xian na hindi mawawala ang KimXi o tambalan nila ni Kim Chiu.
Kasamang pumirma ni Xian ng exclusive contract ang Viva Films executives na sina Vice del Rosario, Veronique del Rosario – Corpus, at June Torrejon – Rufino na ginanap sa board room ng Viva Group of Companies sa Ortigas Center, Pasig City.
