Kumpiyansa ang Department of Energy na hindi na magkakaroon ng brownout hanggang sa matapos ang panahon ng tag-init.
Ito’y ayon kay Energy Secretary Jericho Petilla makaraang maging sapat ang suplay ng kuryente ngayong summer season bunga na rin ng ginawang pagtitipid ng mga konsyumers dahil sa inaasahang brownout.
Sa kabila ng naging aberya ng Malampaya power facility na isa sa mga pinagkukunan ng enerhiya, sinabi ni Petilla na may sapat pa ring suplay ng kuryente ang bansa.
Gayunman, patuloy pa rin ang panawagan ni Petilla sa publiko na magtipid ng kuryente hangga’t hindi naisasaayos ang malampaya makaraan ang shutdown nito.
By Jaymark Dagala