Pumanaw na si US Senator John McCain sa edad na 81 matapos ang ilang taong pakikibaka sa sakit na brain cancer.
Ito ang inanunsyo ng pamilya ng senador ngayong umaga ng linggo, Agosto 26, oras sa Pilipinas.
Kamakailan lamang ay napadesisyunan ng pamilya ng mambabatas na itigil na ang gamutan nito para sa naturang sakit.
Natuklasan ng mga doktor na may gliobastoma, isang aggressive type ng brain tumor si McCain noong 2017 matapos sumailalim sa operasyon para tanggalin ang blood clot sa taas ng kaliwang mata nito.
Matatandaang si McCain ay dating prisoner of war at naging Republican presidential nominee rin noong 2008.
Samantala, nagpaabot na rin ng pakikiramay si US President Donald Trump sa naulilang pamilya ng beteranong senador.
My deepest sympathies and respect go out to the family of Senator John McCain. Our hearts and prayers are with you!
— Donald J. Trump (@realDonaldTrump) August 26, 2018
Naghatid naman ng isang emosyonal na mensahe ang babaeng anak ni McCain na si Meghan.
I love you forever – my beloved father @SenJohnMcCain pic.twitter.com/Y50tVQvlVe
— Meghan McCain (@MeghanMcCain) August 26, 2018