Kinontra ni Health Secretary Paulyn Ubial ang report na mataas ang bilang ng mga nagkakasakit at umano’y namatay sa mga evacuation centers kaugnay sa nagaganap na krisis sa Marawi City.
Sinabi ni Presidential Spokesman Ernesto Abella na batay sa report ni Ubial sa palasyo, mali aniya ang report na maraming nagkakasakit na mga evacuees.
Ang totoo aniya ay bumaba ang bilang ng mga inaalagaan ngayon ng kanilang health workers.
Ani Ubial, mula sa 638 na nagpakonsulta noong nakalipas na linggo, 300 lamang ang na-admit sa mga pagamutan at walang mga namatay.
Nanawagan din si Ubial sa mga mamamayan sa Mindanao lalo na sa mga lugar kung saan may mga bakwit na agad magpatingin sa mga health centers kapag may naramdaman ang mga ito na mga sakit.
By: Aileen Taliping