Bubuksan muli ang tour activities sa bulkang Mayon.
Kasunod na rin ito nang pagbaba ng Philippine Institute of Volcanology and Seismology (PHIVOLCS) sa alert level 1 ng sitwasyon sa naturang bulkan.
Ayon kay Albay Governor Joey Salceda, uubra nang magbukas muli ang crater climbing sa camps 1 at 2 gayundin ang Mayon skyline, ziplines at ATV o All Terrain Vehicle activities subalit kailangan lamang ang tamang koordinasyon sa Local Tourism at Disaster Risk Reduction and Management Offices.
Ipinabatid naman ng ATV operators na napapanahon ang pagbaba sa alert level ng bulkang Mayon dahil ang huling quarter ng taon ay itinuturing nilang peak season sa Mayon related tour activities.
By Judith Larino
