Asahan na ang pag-ulan ngayong hapon o mamayang gabi sa Metro Manila.
Ito ayon sa PAGASA ay dahil sa localized thunderstorms sa kalakhang Maynila.
Samantala, makakaranas naman ng mahina hanggang katamtamang pag-ulan dahil sa habagat ang buong Visayas, Caraga, hilagang bahagi ng Mindanao at lalawigan ng Palawan.
Nilinaw din ng PAGASA na hindi sila naglabas ng rainfall warning kahapon sa kabila nang matinding pag-ulan dahil wala namang naitalang heavy rainfall sa nakalipas na tatlong oras.
Gayunman, sinabi ng PAGASA na maglalabas sila ng thunderstorm advisory, isang oras bago ang inaasahang pag-ulan.
By Judith Larino