Binawi ng dating welder ni Kerwin Espinosa ang kanyang sinumpaang salaysay na nag uugnay sa inaakusang drug lord sa kaso ng illegal na droga.
Sa kanyang testimonya sa Manila RTC branch 26 , sinabi ni Jose Antipuesto na pinilit siya ng grupo ni Police Inspector Jovie Espenido na pumirma sa isang salaysay.
Tinakot aniya siya na kapag hindi niya idiniin si Kerwin ay maging siya ay idadawit sa kaso.
Giit pa ng abogado ni Antipuesto na ‘wikang filipino’ ang ginamit sa sinumpaang salaysay ngunit hindi naman bihasa dito ang akusado.
Hindi naman pinagbigyan ng korte ang kahilingan ng kampo ni Antipuesto na tanggalin sa record ng korte ang nasabing dokumento.
(with report from Aya Yupangco)
