Magpapatupad ng bagong sistema si Cabinet Secretary Jose Rene Almendras para maiwasan ang port congestion.
Ayon kay Almendras, simula sa katapusan ng Setyembre ay ipatutupad na nila ang TABS o Truck Appointment Booking System.
Sa ilalim ng TABS, ipalilista ng mga brokers ang schedule ng kanilang mga trucks na papasok sa daungan.
Ipinaliwanag ni Almendras na ang lahat ng trucks na gagamit sa TABS ay hindi na sasakupin ng truck ban.
Matutunton aniya ng TABS ang truck kahit pa tumatakbo ito ng peak hours at malalaman nila kung otorisado itong tumakbo o hindi sa nasabing oras.
By Len Aguirre