Pinagbabaril ng mga hindi pa nakikilalang lalaki ang sinasakyang helicopter nina Maguindanao governor Esmael “Toto” Mangudadatu at kapatid na si Mangudadatu mayor Freddie Mangudadatu.
Ayon kay Maguindanao police director, Senior Supt. Agustin Tello, nasa bahagi na ng Sitio Dagading, Barangay Tee, Datu Salibo ang magkapatid kasama ang pilotong si Capt. Dennis Figueroa nang paulanan ng bala, kahapon ng umaga.
Patungo anya sa headquarters ng 6th infantry division sina Mangudadatu bilang guest speaker sa closing program ng youth summit against violent extremism.
Ligtas naman ang gobernador at alkalde sa pag-atakeng inilunsad ng mga hinihinalang miyembro ng Bangsamoro Islamic Freedom Fighters.
By Drew Nacino