Inilabas na ng Judicial and Bar Council o JBC ang shortlist para sa nabakanteng posisyon sa Korte Suprema.
Ayon sa JBC, kabilang sa mga napasama sa shortlist sina Justice Secretary Benjamin Caguioa, Court of Appeals Presiding Justice Andres Reyes Jr., at Court of Appeals Associate Justice Jose Reyes Jr. na pawang nakakuha ng pitong boto.
Limang boto naman ang nakuha ni dating Commission on Audit Chairperson Grace Pulido-Tan habang apat na boto ang kay Court of Appeals Associate Justice Apolinario Bruselas.
Matatandaang nagbitiw si SC Associate Justice Martin Villarama noong Enero 16 dahil sa isyung pangkalusugan.
By Meann Tanbio | Bert Mozo (Patrol 3)
