Isang shallow low ressure area (LPA) ang pumasok sa Philippine Area of Responsibility (PAR) ngayong araw.
Ayon sa PAGASA, huling namataan ang LPA sa layong 970 kilometers, silangan ng Legazpi City sa Albay at malabo ang tiyansang maging bagyo.
Samantala, kasalukuyan namang nakaaapekto sa Luzon ang Northeasterly Surface Windflow.
Nagtaas naman ng gale warning signal ang PAGASA sa mga lugar ng Batanes, Babuyan Group of Islands, Ilocos Norte at Cagayan — dahil dito, pinapayuhan ang mga maliliit na sasakyang pandagat na huwag na munang pumalaot dahil sa maalon na karagatan.
Magdadala naman ng kalat-kalat na pag-ulan sa ilang bahagi ng Mindanao ang Intertropical Convergence Zone (ITCZ).