Natanggap na ng Senado ang panukalang batas hinggil sa divorce at pagpapaliban ng barangay at Sanguniang Kabataan elections mula sa Kamara de Representantes.
Agad namang ipinasa ni Senate President Koko Pimentel sa Committee on Women, Children, Family relations and Gender Equality ang House Bill Number 7303 o divorce bill habang sa Committee on Electoral Reforms ang House Bill 7378 o ang panukalang pagpapaliban sa Barangay at SK election.
Una nang sinabi ni Pimentel na wala nang panahon ang Senado para talakayin pa ang postponement ng Barangay at SK Elections dahil mag-a-adjourn na ang sesyon sa March 23 at sa May 14 pa magbabalik.
Habang bibigyan naman aniya nila ng pagkakataon ang divorce bill pero kinakailangan pang pag-aralan itong mabuti ng mga senador.
Magugunitang ilang senador na rin ang nagpahayag ng pagtutol sa divorce bill at iginiit ang pag-amyenda na lamang sa annulment.
—-