Kumpirmado nang nakapasok sa bansa ang pitong (7) dayuhang terorista at sumapi na ang mga ito sa mga lokal na teroristang grupo.
Ayon kay Lt. General Cirilito Sobejana, hepe ng WesMinCom, ito ang dahilan kaya’t nagpatupad sila ng security adjustment sa nasasakupan ng Western Mindanao Command.
Mas magiging aktibo anya ang kanilang pwersa at mas hihigpitan ang segurirad sa Mindanao nang sa gayon ay mapigilan ang anumang masamang balak na nais niluluto ng mga ito.
Nabatid na tinuturuan umano ng 7 dayuhang terorista ang mga miyembro ng Abu Sayyaf at Dawlah Islamiyah gayundin sa BIFF kung paano gumawa ng bomba.
Hindi nya muna tinukoy ang nationality ng mga dayuhang terorista dahil paniguradong magre-react ang mga embahada ng bansang kanilang pinagmulan.
Samantala, 42 iba pang mga dayuhang terorista ang patuloy namang minomonitor kaugnay ng posibleng asosasyon ng mga ito sa ISIS, ang kinatatakutang grupo ng mga dayuhang terorista sa mundo.
with report from Jaymark Dagala (Patrol 9)