Hindi isinasantabi ni Interior Secretary Eduardo Año ang posibilidad na sectarian violence o religious war ang planong palaganapin ng mga nasa likod ng Jolo bombings sa Sulu.
Ayon kay Año, walang ibang hangarin ang mga terorista kundi mag-udyok ng gulo sa pagitan ng mga kristiyano at muslim matapos ang magkasunod na pambobomba sa Mount Carmel Cathedral noong Enero 27.
Base sa inisyal na imbestigasyon, magkasintahang Indonesian suicide bombers na konektado sa Abu Sayyaf ang utak sa mga pambobomba.
Gayunman, hindi pa ito nabeberipika at wala pang nagki-claim sa dalawang pares ng paa na na-recover sa blast site.
