Kinumpirma na ni Angel Locsin ang kanyang relasyon sa movie producer na si Neil Arce.
Binukas na ni Angel sa publiko ang kanilang relasyon ni Neil sa pamamagitan ng kanyang Instagram post noong New Year’s Day.
Ayon sa kanyang post, sinabi ni Angel na ang pag-ibig niya kay Neil ang pinakamagandang bahagi ng kanyang 2017 at excited na aniya siyang i-share ang 2018 sa kanyang kasintahan.
Sweet ding sinagot ni Neil ang nasabing post ni Angel at sinabi nitong ang aktres ang kaniyang 2017, 2018, 2019 at kung gagalingan daw niya siya ang magiging forever ni Angel.
Pahabol pa ni Neil sa kaniyang post na tiyak na gagalingan niya sabay sabing ‘I Love You’.
Bumuhos naman ang mga pagbati sa bagong couple.
—-