Nakapagtala ng ‘record-high average’ sa attendance ang mga kongresista simula nang magbukas ang 18th Congress nitong July 2019.
Batay sa tala, may 247 representatives ang dumalo sa 18 araw ng sesyon ng House of Representatives mula ng magsimula ang 18th congress.
Dahil dito, pinapurihan naman ni House Deputy Speaker Neptali Gonzales II ang kaniyang mga kapwa kongresista dahil sa dedikasyon sa trabaho.
Aniya ang mataas na attendance ng mga mambabatas ay nagpapakita ng disiplina, kasipagan, dedikasyon at interes ng mga ito sa pagsisilbi sa taumbayan.
Dahil umano sa consistent na pagpasok ng karamihan sa mga kongresista, epektibong nakakapagsagawa ng Committee budget hearings at iba pang panukala.
